करिश्मा मानन्धरले किन दिइन् राजेश हमाललाई काठमाडौंको मेयर उठ्न सुझाव ?

  •  
  •  
  •  
  •  
  •  

काठमाडौं, ५ वैशाख । नायिका एवं नयाँ शक्ति पार्टीकी नेतृ करिश्मा मानन्धरले नायक राजेश हमाललाई काठमाडौं महानगरपालिकाको मेयर उठ्न सल्लाह दिएकी छन् । यदि राजेश मेयरमा उठे आफूले उनलाई नै मत दिने घोषणा गरेकी छन् ।
आगामी वैशाख ३१ गते हुने स्थानीय तहको निर्वाचनमा काठमाडौंको मेयरमा कुनै पार्टीबाट नभई स्वतन्त्र उठ्न करिश्माले आग्रह गरेकी छन् । मंगलबार बिहान आफ्नो फेसबुकमा करिश्माले यदि नेपाली समाज र देशको चिन्ता भए राजेशलाई काठमाडौंको मेयरबाट उठ्न सुझाएकी हुन् । नायिका रेखा थापालाई राप्रपाले काठमाडौंको उपमेयरको टिकट दिने बताएको भोलिपल्टै करिश्माको यस्तो भनाइ आएको हो ।

राजेश हमाल काठमाडौं महानगरपालिकावासी हुन् । तर, करिश्मा होइनन् । करिश्मा ललितपुरको गोदावरी नगरपालिकामा बस्दै आएकी छन् । उनको पार्टी नयाँ शक्ति पार्टी नेपाल अहिले दलीय चुनाव चिन्ह पाउनुपर्ने भन्दै रत्नपार्कमा आमरण अनसनमा छ । यदि वैशाख ३१ गते निर्वाचन भयो भने नयाँ शक्तिले स्वतन्त्रबाट चुनावमा उठ्नुपर्ने हुन्छ । किनभने संसदमा नरहेका पार्टीलाई चुनाव चिन्ह निर्वाचन आयोगले नदिने बताइसकेको छ । सोही कारण पनि करिश्माले राजेशलाई स्वतन्त्रबाट मेयरमा उम्मेदवारी दिन सुझाएकी हुन सक्ने बताइन्छ ।

नेपाली चलचित्र उद्योगमा करिश्मा र राजेशबीच राम्रो सम्बन्ध रहेको छ । दुवैले थुप्रै चलचित्रमा सँगै अभिनय गरेका छन् । चलचित्रमा र व्यक्तिगत सम्बन्ध प्रगाढ भए पनि सार्वजनिक रूपमा भने दुवैले एक अर्काको विषयमा बोल्ने गरेका छैनन् ।

Loading...

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *