‘मतपत्र ठूलो हुँदा मतगणनामा ढिलाइ’

  •  
  •  
  •  
  •  
  •  

काठमाडौँ, ३ जेठ । प्रमुख निर्वाचन आयुक्त डा अयोधीप्रसाद यादवले मतपत्र ठूलो भएको कारण मतगणना कार्यमा ढिलाइ भएको बताएका छन् ।

रिपोर्टर्स क्लब नेपालले आज यहाँ आयोजना गरेको साक्षात्कारमा डा यादवले थोरै ठाँउमा मतगणना र ठूलो मतपत्र भएकाले मतगणना कार्य ढिलो भएको बताए । “५१×७३ सेन्टीमिटरको मतपत्र हुँदा मतगणना कार्यमा ढिलाइ भएको हो,” उनले भने ।

डा यादवले मतगणना कार्यलाई छिटो गर्नका लागि आवश्यक जनशक्ति खटाइसकिएको बताउँदै अब काठमाडौँ महानगरपालिकामा ११ स्थान, ललितपुर महानगरपालिकामा १० र भरतपुर तथा पोखरा महानगरपालिकामा ६/६ स्थानमा मतगणना गर्न लागिएको छ । “एक हप्ताभित्रै मतपरिणाम आउनेगरी मतगणना गर्छौं,” उनले भने ।

डा यादवले अहिले २५ जिल्लाको मतगणना भइरहेको बताए ।  “धेरै उम्मेदवारलाई एउटै मतपत्रमा मतदान गर्नुपर्ने भएकाले धेरै मत बदर भएको हो”, उनले भने । उनले संविधान कार्यान्वयनको पहिलो खुड्किलो स्थानीय तहको निर्वाचन भएको भन्दै दोस्रो चरणको निर्वाचनलाई पनि सहज र सरल तरिकाले सम्पन्न गर्न आयोग लागिपरेको बताए ।

“पहिलो चरणको निर्वाचनमा सुरक्षालगायतको क्षेत्रमा केही कमी–कमजोरी भएका छन् त्यसलाई सच्याएर दोस्रो चरणको निर्वाचनमा अगाडि बढ्छौँ,” डा यादवले भने । रासस

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *