खैरहनी विवाद प्रकरणः १९ घन्टापछि मतगणना सुरु

  •  
  •  
  •  
  •  
  •  

चितवन, ५ जेठ । पूर्वी चितवनको खैरहनीमा बिहीबारदेखि रोकिएको मतगणना आज बिहान ११ बजेदेखि सुरु भएको छ । अर्धकट्टी अनुसार आएका मतपत्र गणना गर्ने दलबीच सहमतिपछि मतगणना सुरु भएको निर्वाचन अधिकृत टेकराज निरौलाले जानकारी दिए ।

मतदानको दिनमा मुचुल्का उठाएका बेलाको मतपत्रको सङ्ख्या र मतपेटिकामा हाल भएको सङ्ख्या नमिलेपछि यहाँ मतगणना बिहीबार ४ बजेदेखि रोकिएको थियो । सो विषयमा आयोगलाई जानकारी दिई अर्धकट्टी अनुसार मतगणना गर्ने सहमतिपछि गणना सुरु भएको हो ।

बिहीबारको छलफलमा निष्कर्ष ननिस्किएपछि आज बिहान भएको छलफलले यस्तो सहमति गरेको उहाँको भनाइ छ । मुचुल्का भन्दा मतपेटिकामा १४ मत बढी देखिएपछि विवाद भएको थियो । मुचुल्का उठाएकोमा खैरहनी वडा नं–७ मा एक हजार ५९४ मत खसेको भनेर उल्लेख छ । वडा नं– ७ को मतगणनाका क्रममा एक हजार ६०८ मतपत्र रहेको पाइएपछि काँग्रेसले पुनःमतगणनाको माग गरेको थियो । तर मतपेटिकामा भेटिएको मतपत्र र अर्धकट्टी भने बराबर भएको कार्यालयले जनाएको छ ।

मुचुल्कामा गल्ती भएको निरौला बताउँछन् । अर्धकट्टी मिलेपछि त्यसैलाई आधार मानेर गणना गरिने उनको भनाइ छ । अहिलेसम्म भएको गणनामा खैरहनीमा ६ वटा वडामध्ये दुई वटा एमालेले जितेको र तीनवटा काँग्रेसले जितेको छ ।

खैरहनीमा पछिल्लो मतपरिणामअनुसार प्रमुखमा एमालेको चार हजार ४२५ मत छ भने काँग्रेसको चार हजार २०२ र (माओवादी केन्द्र)को दुई हजार ८५ छ । यस्तै उपप्रमुखमा एमालेको चार हजार ३९३, काँग्रेसको चार हजार ४१८ माओवादी केन्द्रको एक हजार ७५८ मत रहेको छ । रासस

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *