प्रधानाध्यापकद्वारा आफ्नै छात्रासँग जबरजस्ती अनैतिक कार्य, बालिकाको रहस्यमय मृत्यु

  • 1.2K
  •  
  •  
  •  
  •  
    1.2K
    Shares

काठमाडौ, २ फागुन । हुम्ला नाम्खाकी छात्रा सिचुडोमा लामाको रहस्यमय हत्या प्रकरणको छानबिन गरी दोषीलाई कारबाही गरी पीडितलाई न्याय दिन सरोकारवालाहरुले अनुरोध गरेका छन् ।

हुम्लाको नाम्खा गाउँपालिका–५ को तुम्कोटकी लेण्डोमिन्गुर लामा तामाङको एसईई परीक्षाको तयारीमा रहेकी १७ वर्षीय छोरी सिचुडोमा लामाको अनैतिक सम्पर्कबाट भएको गर्भपतन गराउने श्री महाबौद्ध माद्यमिक विद्यालय याल्बाङप्रधानाध्यापक धनलाल रोकायालाई कारबाही गर्न उनीहरुले माग गरेका छन् । गर्भपनत गराउने क्रममा सिचुडोमाको मृत्यु भएको उनीहरुले दाबी गरेका छन् ।

काठमाडौँको संवाद डवलीमा बुधबार पत्रकार सम्मेलन गरेर दिएको जानकारीअनुसार प्रधानाध्यापक रोकाया बस्ने घरमा बसेर सिचुडोमा लामा एसईई परीक्षाको तयारी गरिरहेकी थिइन् । सोही क्रममा रोकायले अनैतिक कार्य गरी गर्भ पतन गराउन खोज्दा बालिकाको मृत्यु भएको सरोकारवालाको आरोप छ ।

पत्रकार सम्मेलनमा हुम्लाबाट प्रतिनिधि सभा सदस्य छक्कबहादुर लामाले घटना रहस्यमय भएको बताउँदै छानबिन गरी दोषीलाई कारवाहीको माग गरेका छन् । लामाले घटनाको सत्यतथ्य सार्वजनिक गर्न पनि माग गरे ।

त्यसैगरी टुक्चुलु्ङ समाज बौद्धका अध्यक्ष सुनाम लामा, आमा समूह काठमाडौँका अध्यक्ष सुना याङ्जेन लामा, हिमाली बाल समाज हुम्लाका अध्यक्ष कुमार लामा, कैलाश मानसरोबर चिल्ड्रेन अफ हुम्लाका अध्यक्ष छेम्बल लामा, नेपाली हिमाल लामा विद्यार्थी एकता मञ्चका अध्यक्ष जंडुप लामा, कैलाल वाल प्रतिष्ठानका अध्यक्ष पेमा तोप्चेन लामाले संयुक्त विज्ञप्ति जारी गरी दोषीलाई कारवाहीको माग गरेका छन् ।

उनीहरुले जारी गरेको विज्ञप्तिको पूर्णपाठ जस्ताकाे तस्तै

हुम्ला जिल्लाको नाम्खा गाउँपालिका वडा नं. ५ को तुम्कोट निवासी लेण्डोमिन्गुर लामा तामाङको १७ वर्षीय छोरी सिचुडोमा लामा कक्षा १० मा श्री महाबौद्ध माद्यमिक विद्यालय याल्बाङबाट उतीर्ण भई एसईईको तयारी गरिरहेकी थिइन् । त्यही क्रममा उनी महाबौद्ध माद्यमिक विद्यालय याल्बाङमा ट्युसन पढ्न गएकी थिइन् । उनी त्यस विद्यालयका प्रधानाध्यापक धनलाल रोकाया बस्ने घरमा बसी पढिरहेकी थिइन् । हामीलाई जानकारी भएअनुसार, सिचुडोमा २०७४ पुस २३ गते राति एकाएक भागेर घर पुगेको, घटनाक्रम बुझ्दा प्रअले जबरजस्ती करणी गर्न खोज्दा भागेर आएको, एसइइको तयारी गर्नपर्ने बाध्यताका कारण फेरि पढ्न गएको केही दिनमै एकाएक विरामी भनी घरपरिवारलाई समेत कुनै जानकारी नदिई माघ ७ गते असाधरण रुपमा पाएक नपर्ने ठाउँ पोखरामा हेलिकोप्टर मगाई पु¥याएको र त्यही क्रममा पोखराको मणिपाल अस्पतालमा माघ ८ गते विहान ३ बजे मृत्यु भएको भन्ने सुनियो ।

यो घटनाको उजुरी बाबु लेण्डोमिन्गुर लामा तामाङले जिल्ला प्रहरी कार्यालय हुम्लामा उजुरी दर्ता गर्न खोज्दा जिप्रका हुम्लाले आफ्नो क्षेत्राधिकार नपरेको र उक्त उजुरी पोखरामा दिनु भनी आलटाल गरेको अवस्थामा माघ १४ गतेका दिन जिल्ला वाल कल्याण समिति हुम्ला र लामा साँस्कृतिक मञ्च हुम्लाको दवावमा माघ २६ गते आएर मात्र जिल्ला प्रहरी कार्यालय हुम्लाले उजुरी दर्ता गर्न मानेको थियो । यसरी सर्वसाधरणले न्याय पाउन नसकेका बेला पीडित बाबुले हाम्रो समाजलाई पनि न्याय माग्दै अनुरोध गर्नुभयो । यसरी हामीलाई विद्यालय प्रधानाध्यापक धनलाल रोकायाको गैर जिम्मेवार ब्यवहारमा यौन उन्मादीका कारण एउटी चेलीको दुःखद मृत्यु भएको खवर सु्न्न परिरहेको छ । हामी यस घटनाको घोर भत्र्सना गर्दै गहिरो गरी न्यायिक रुपमा छानवीन होस् र पीडितले न्याय पाओस् भनी सरकारसँग माग गर्दछौ ।
यस घटनालाई सामान्य अर्थमा नलिई दिन समाज ब्युझाउने तपाई पत्रकार तथा नागरिक समाजले न्यायिक आवाज उठाई सत्य, तथ्यको छानवीन गराई दोषीमाथि कारवाही गराई दिने वातावरण निर्माण गरि दिन पनि हार्दिक अनुरोध गर्दछौ ।

१. सुनाम लामा, अध्यक्ष, टुक्चुलुङ समाज बौद्ध, काठमाडौ
२. सुना याङ्जेन लामा, अध्यक्ष, आमा समुह काठमाडौ
३. कुमार लामा, अध्यक्ष हिमाली वाल समाज हुम्ला
४. छेम्बल लामा, अध्यक्ष, कैलाश मानसरोवर चिल्ड्रेन अफ हुम्ला
५. जंडुप लामा, अध्यक्ष, नेपाल हिमाली लामा विद्यार्थी एकता मञ्च, काठमाडौ
६. पेमा तोप्चेन लामा, अध्यक्ष कैलाश वाल प्रतिष्ठान हुम्ला
मितिः २०७४ फागुन २

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *

4 + 4 =