के हो शालिग्राम जुन मोदीलाई उपहार दिइयो ?

  • 1.8K
  •  
  •  
  •  
  •  
    1.8K
    Shares

काठमाडौँ, २९ वैशाख । नेपालको राजकीय भ्रमणमा रहेका भारतीय प्रधानमन्त्री नरेन्द्र मोदीलाई कालिगण्डकी नदीको शालिग्राम उपहार दिइएको छ । मुस्ताङमा रहेको पवित्र धार्मिकस्थ मुक्तिनाथ दर्शनका लागि पुगेका मोदीलाई मुक्तिनाथको दर्शनपछि मुस्ताङको बाह्रगाउँ मुक्तिक्षेत्र गाउँपालिकाका अध्यक्ष र जिल्ला समन्वय समितिका सभापतिले संयुक्तरुपमा कालिगण्डकी नदीको शालिग्राम उपहा दिन लागेका हन् ।

के हो शालिग्राम ?

शालिग्राम विशेष गरी धार्मिक रुपले भगवान विष्णुको प्रतिकका रुपमा लिइन्छ । यसलाई शालाग्राम, शालिग्राम, शालिग्रामा र सालाग्राम पनि भनिन्छ । यो शालिग्राम नेपालको कालिगण्डकी नदीको किनारामा पाइने कालो रंगको पत्थरको मूर्ति हो । जुन कलात्मक रुपमा गोलो आकारमा चक्र जस्तो कँुदिएको जस्तो हुन्छ ।

शालिग्राम सेतो, निलो रंगमा पनि हुन्छ तर यो निक्कै दूर्लभ मानिन्छ । धार्मिक रुपमा शालिग्राममा भएको बुट्टालाई भगवान विष्णुको चक्रको रुपमा लिइन्छ । कालो ढुंगामा गोलो आकारमा पुरा चक्र जसरी कुदिएको छ भने त्यसलाई भगवान विष्णुको सुदर्शन चक्र भनिने गरिन्छ ।

शालिग्राममा भगवानको सम्पूर्ण अवतारमा हुने गरेको धार्मिक विश्वस छ । यदी शालिग्राममा माछाको आकार छ भने त्यसलाई भगवान विष्णुको मत्स्य अवतार मानिन्छ भने कछुवाको आकारमा भएको शालिग्रामलाई भगवान विष्णुको कछुवा रुप कुर्म अवतारको रुपमा लिइन्छ ।

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *

÷ 3 = 3