खाने होइन त सिंहसँग बसेर डिनर ?

  • 45
  •  
  •  
  •  
  •  
    45
    Shares

सिंहसँग बसेर डिनर गर्न के सम्भव होला ? अथवा भालुसँग नुहाउन ? यी हिंस्रक जनावरको छेउमा पर्नु त जोखिमपूर्ण छ भने यिनीहरूसँग डिनर खाने अथवा नुहाउने कुरा असम्भव सुनिन्छ । तर, अस्ट्रेलियामा यस्तो सुविधा उपलब्ध छ ।

अस्ट्रेलियाको क्यानबेरास्थित नेसनल जु एन्ड एक्वेरियममा यस्तो सुविधा उपलब्ध गराइएको हो । जु एन्ड एक्वेरियममा गत साता वाइल्डलाइफ लज स्थापना गरिएको छ, जहाँ ग्राहकहरूलाई यस्तो ‘खतरनाक’ सेवा उपलब्ध गराइएको छ ।

लजलाई अनौठो तरिकाले देखाइएको छ, जहाँ पुग्ने ग्राहकलाई जानवरसँग रमाइलो गर्ने अवसर मिल्छ । तर, यी जनावरबाट ग्राहकलाई सुरक्षित राख्ने चाँजोपाँजो पनि मिलाइएको छ । यो लजमा १८ वटा कोठा छन् । सबै कोठामा सिसाको मोटो पर्खाल लगाइएको छ । पर्खालको एकतिर सिंह, भालु, जिराफ आदिलाई राखिएको छ ।

अर्कोतिर ग्राहकका लागि डाइनिङ टेबल र स्विमिङ पुलको व्यवस्था गरिएको छ । डाइनिङ टेबलमा खाना खाँदा र स्विमिङ पुलमा नुहाउँदा ग्राहकले जनावरहरूको बीचमा आफूलाई पाउँछन् । लजका मालिक रिचर्ड टिनडेलका अनुसार यी लोपोन्मुख जंगली जनावरको संरक्षणप्रति सचेतना जगाउने उद्देश्यले यस्तो लज खोलिएको बताए ।

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *

91 ÷ 13 =