दिउँसोको समयमा सुर्खेत–जुम्ला सडकमा आँप बेचेर कापीकलम

  • 138
  •  
  •  
  •  
  •  
    138
    Shares

सुर्खेत, २७ असार । बराहताल गाउँपालिका–८ की हिमा रोकाया दिउँसोको समयमा सुर्खेत–जुम्ला सडकमा आँप बेच्नुहुन्छ । दिनभरि आँप र केरा बेचेको पैसाले उहाँ कापीकलम किन्नुहुन्छ ।

रोकायाले दैनिक रु ८०० भन्दा बढी आम्दानी गर्नुहुन्छ । नेपाल राष्ट्रिय आधारभूत विद्यालयमा कक्षा ५ मा पढ्दै गरेकी रोकाया आवश्यक कापीकलम र नयाँ लुगा किन्न पढाइ छोडेर आँप र केरा बेच्नुहुन्छ ।

आर्थिक अवस्था कमजोर भएकाले कापीकलम किन्न र विद्यालयको पोशाकको जोहो गर्न उहाँ आँप र केरा बिक्री गर्दैआउनुभएको छ ।

रोकाया मात्र होइन सोही विद्यालयको कक्षा ४ मा पढ्ने सपना रोकाया पनि साथीहरुसँग बिहान–बेलुका आँप बिक्री गर्नुहुन्छ । “कापीकलम र नयाँ लुगा किन्न आँप र केरा ििबक्री गर्ने गरेकी छु,” उहाँले भन्नुभयो ।

हिमा र सपना मात्र होइन वीरेन्द्रनगरबाट पश्चिम सुर्खेत हुँदै दैलेख जुम्ला जाने सडक वरपरका गाउँका विद्यार्थी आँप, मकै र केरा बिक्री गर्दैआएका छन् । उनीहरुलाई अभिभावकले नै आँप बेच्न पठाउने गरेको स्थानीयवासी ताराकेशर गौतमले बताउनुभयो ।
सडकमा बालबालिका गाउँमा उत्पादित विभिन्न कृषि वस्तु बेचेर आम्दानी गर्दै आएका छन् । उनीहरुले त्यही पैसोले नुन, तेल, चामल र दालको जोहो गर्ने गरेका छन् ।

अधिकांश विद्यार्थी गाउँमा उत्पादित विभिन्न कृषि वस्तु बजारमा लगेर बिक्री गरी पढाइ खर्च जुटाउँदै आएका छन् । अहिले आँपको मूल्य प्रतिदाना रु १० देखि रु २० पर्छ । उनीहरुले प्रतिमकै रु १० देखि रु २० सम्ममा बिक्री गर्दैआएका छन् ।

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *

60 ÷ 6 =