अख्तियार प्रमुख आयुक्त नवीन घिमिरेकै छोराद्वारा शक्तिको दुरुपयोग, ३० लाखको विज्ञापन अन्नपूर्ण पोस्टमा

  • 39
  •  
  •  
  •  
  •  
    39
    Shares

काठमाडौं, २९ माघ । अख्तियार दुरुपयोग अनुसन्धान आयोगले सोमबार आफ्नो स्थापना दिवस मनाएको छ । अख्तियारले राष्ट्रपति विद्यादेवी भण्डारी, प्रधानमन्त्री केपी ओलीलाई बोलाएर आफ्नो स्थापना दिवस मनाएको हो ।

अख्तियारको प्रमुख आयुक्तमा नवीन घिमिरे छन् । उनी पूर्वसचिव पनि हुन् । अख्तियारका आयुक्त हुँदै उनी प्रमुख आयुक्त बनेका हुन् । सोमबारको कार्यक्रममा राष्ट्रपति र प्रधानमन्त्रीले भ्रष्टाचार नै विकासको मुख्य बाधक भएको बताए । अख्तियारले आफ्नो स्थापना दिवस (वार्षिकोत्सव) सधैं कुनै राष्ट्रिय दैनिकमा ‘अख्तियार विशेषांक’ निकाल्दै आएको छ । यसपटक अन्नपूर्ण दैनिकले ३६ पृष्ठको विशेषांक निकालेको थियो ।

यसपटक अन्नपूर्णले अख्तियारबाट ३० लाख बढीको विशेषांक निकाल्न पाउनुमा प्रमुख भूमिका अख्तियारका प्रमुख आयुक्त नवीन घिमिरेका छोराले निभाएका छन् । उनका छोरा मनिष लामो समयदेखि अन्नपूर्ण दैनिकमा कार्यरत छन् । अहिले उनी सो दैनिक पत्रिकाको प्रमुख कार्यकारी अधिकृत हुन् ।

पहिले पहिले अन्नपूर्णले अख्तियारको विशेषांक निकाल्न पाउँदैनथ्यो । तर, यसपटक आफ्ना बाबु प्रमुख आयुक्त भएकाले अख्तियारको लाखौंको विज्ञापन मनिषले सिधै अन्नपूर्ण दैनिकमा लगेका हुन् । अख्तियारको विज्ञापन अन्नपूर्णले छाप्न नपाउने भन्ने होइन, तर सोही पत्रिकामा सीईओ भएका मनिषले बाबुको शक्तिको दुरुपयोग गरे भन्ने सन्देश गएको छ । यसमा नैतिकताको कुरा भएको र नैतिक भ्रष्टाचार अख्तियारकै प्रमुख आयुक्त परिवारबाट भएको विश्लेषण गर्न थालिएको छ ।

फेसबुकबाट तपाईको प्रतिक्रिया

comments

Leave a Reply

Your email address will not be published. Required fields are marked *

2 + = 6