मधुमेहबाट बच्च चाहनुहुन्छ ? जान्नुस् ,बिरामीले के खाने ?के नखाने ?

  • 45
  •  
  •  
  •  
  •  
    45
    Shares

काठमाडौ । मधुमेह रोगलाई सामान्य भाषामा चिनीको रोग भन्ने गरिन्छ । त्यस्तै कसैले यसलाई डाइबेटिस पनि भन्दछन् । रगतमा ग्लुकोजको मात्रा बढि भएपछि हुने रोग नै मधुमेह हो । प्यांक्रियाज नामक ग्रन्थिबाट उत्पादन भई इन्सुलिन हर्मोनको अनियमितता हुदा मधुमेह हुन सक्छ । त्रिवि शिक्षण अस्पतालकी पोषणविद् नानीशोभा शाक्यले मधुमेहका रोगीले के खाने र के नखाने भन्ने विषयमा बताएकी छिन् । हेर्नुस्

के खाने के नखाने ?

-पहिलो मधुमेहका बिरामीले सबै प्रकारको खानेकुराको सन्तुलन मिलाएर उमेर र शारीरिक संरचना अनुसार खानु पर्छ । तर बिरामीले भात कम खाने बहानामा अन्य अन्न तथा कार्बोहाइड्रेट खाने चलन पनि छ । यसो गर्नु गलत हो ।

-दोस्रोमा प्रोटिनयुक्त खानेकुराको मात्रा, नजम्ने प्रकारका चिल्लो पदार्थबाट बनेका खानाहरू, खनिज तथा भिटामिनयुक्त खानाहरू खानु पर्छ । तर बढी चिल्लो र गुलियो खानेकुराहरू भुलेर पनि खानु हुँदैन । त्यसमा यदि आलु, पिँडालु, सखरखण्डजस्ता खानेकुरा खानु परेमा भात, रोटी खानु हुँदैन ।तर वृद्ध उमेर भएका मधुमेहका रोगीले भने सबै थरिका खाना कम मात्रामा खान राम्रो हुन्छ । त्यसैले खानाको सन्तुलन मिलाउनु जरुरी छ ।

मधुमेहबाट  बच्ने उपाय
मधुमेहको उपचार सम्भव छैन । यो रोगको व्यवस्थापन भनेकै रगतमा भएको चिनिको मात्रा घटाउनु हो र रक्तकोशमा क्षति पुराउने अन्य तत्वको निवारण गर्नु हो । त्यसको लागि यी उपाय अपनाउनुस् ।

-पहिलो ग्लुकोजको मात्रा नियन्त्रण गर्न अस्पतालमा उपचार गरी खोपमार्फत नियमित इन्सुलिन लिने गनुपर्छ ।

-दोस्रो शरिरको रक्तचाप नियन्त्रण गर्नुपर्छ ।

-तेस्रोमा सन्तुलित र नियमित भोजन गरी बढि कार्वोहाइड्रेट भएका खानेकुराको खानु हुदैन् ।

-चौथोमा धुम्रपान , मध्यपान बढि चिल्लो पदार्थ भएको खाने कुरा खानु हुदैन् ।

-र पाचौमा नियमित आधा घण्टा व्यायाम गर्नुपर्छ ।