भारत निर्वाचन: ५४२ स्थानमा मतदान सम्पन्न, एग्जिट पोलका नतिजामा मोदी पुर्नआगमनको संकेत

  •  
  •  
  •  
  •  
  •  
  •  
  •  
  •  
  •  
  •  

भारतमा सम्पन्न लोकसभा निर्वाचनपछि आइरहेका एग्जिट पोल भनिने मतदान गरेर निस्किरहेकाहरूसँग गरिएको सर्वेक्षणका नतिजामा नरेन्द्र मोदी पुन: प्रधानमन्त्री हुने देखिएको छ। मोदीको निर्वाचन क्षेत्र रहेको वाराणसी लगायत भारतमा आइतबार अन्तिम चरणको मतदान सम्पन्न भएको हो।

सातौं चरणको निर्वाचनमा साँझ पाँच बजेसम्म ६१ प्रतिसतले मतदान गरेका थिए। जसमा चन्डीगढ र सात राज्यका ५९ सीटका लागि मतदान भएका थिए। एक महिनाभन्दा बढि समय लगाएर भारतका दश लाख मतदान केन्द्रमार्फत् मतदान भएका थिए।

निर्वाचनको परिणाम मे २३ तारिखका दिन आगामी बिहीवार घोषणा हुने बताइएको छ।

ग्जिट पोलमा के देखियो?

यस चुनावमा मोदीको दल भारतीय जनता पार्टीले नेतृत्व गरेको न्याश्नल डेमोक्र्याटिक एलाइन्स (एनडिए) र राहुल गान्धीको दल भारतीय राष्ट्रिय कंग्रेस नेतृत्वको युनाइटेड प्रोग्रेसीभ एलाइन्स (युपीए)बीच मुख्य प्रतिस्पर्धा भएको थियो। विभिन्न चार एग्जिट पोलमा एनडिए गठबन्धनले २८० देखि ३१५ बीचमा सीटहरू जित्ने अनुमान गरेको छ। जुन युपीएभन्दा निकै बढी छ। रिपब्लिक/सी भोटरको एग्जिट पोलका अनुसार एनडिएको २८७ सीट र युपीएको १२८ सीट र अन्यले १२७ सीट ल्याउन सक्ने देखिएको छ।

जबकी टाइम्स नाओ/बीएमआरका अनुसार एनडिएको ३०६ सीट र युपीएको १३२ सीट र अन्यको १०४ सीट जित्न सक्ने देखाएको छ।

भारत निर्वाचन

रिपब्लिक/जनका अनुसार एनडिए- ३०५, युपीए- १२४ र अन्यले ११३ ल्याउने देखिएको छ। न्युज नेशनका एनडिए- २८२ देखि २९० बीचमा, युपीए, ११८ देखि १२६ सम्म र अन्यले १३० देखि १३८ सम्म सीट जित्ने ठानिएको छ।

तर विगतमा एग्जिट पोलका नतिजाहरू नमिलेका घटनाहरू रहेको भन्दै विश्लेषकहरूले सचेत गराएका छन्।

प्रतिस्पर्धा

त्यस निर्वाचनमार्फत् भारतीय मतदाताहरूले हिन्दू राष्ट्रवादी प्रधानमन्त्री नरेन्द्र मोदीले थप पाँच वर्ष शासन गर्न पाउने वा नपाउनेबारे निर्णय दिनेछन्। धेरैले यसलाई मोदीको जनमतसङ्ग्रहका रूपमा हेरेका छन्।

भारत निर्वाचन

यस पटक मोदीको टक्कर विपक्षी कंग्रेस नेता राहुल गान्धीसँग भएको थियो। भारतको लोकसभामा सरकार बनाउनका न्यूनतम २७२ सांसद आफ्नो पक्षमा पार्न सक्नुपर्छ।

कति भरपर्दा हुन्छन् ‘एग्जिट पोल’हरू?

यो मतदान गरेर निस्कनेहरूसँग गरिने एक सर्वेक्षण हो। पछिल्ला थुप्रै निर्वाचनमा यस्ता सर्वेक्षणका नतिजा गलत पनि सावित भएका छन्। यसलाई कुनै तरिकाले पनि वास्तिवक नतिजा नै भएको प्रमाणित गर्न नसकिने विज्ञहरू बताउँछन्।

सबैजसो टेलिभिजन च्यानलहरूले सर्वेक्षण गर्ने विभिन्न संस्थासँग मिलेर एग्जिट पोल सञ्चालन गर्नेगरेका छन्। यी फरक फरक सर्वेक्षणमा नतिजा समेत भिन्न देखिएका छन्। बिबिसीबाट

Leave a Reply

Your email address will not be published. Required fields are marked *