‘प्रेम गीत ३’ मा अभिनेत्री बन्नका २ हजार ७ सय १४ जना युवती आवेदन

  •  
  •  
  •  
  •  
  •  
  •  
  •  
  •  
  •  
  •  

काठमाडौँ । चलचित्र इतिहासमा सर्वाधिक सफल चलचित्र ‘प्रेम गीत’ को सिरिज ‘प्रेम गीत ३’ मा मुख्य अभिनेत्री बन्नका लागी २ हजार ७ सय १४ जना युवतीले आवेदन दिनुभएको छ । आसुसेन फिल्म्स प्रोडक्सनले चलचित्रको मुख्य क्यारेक्टर गीतका लागी आसुसेन फिल्म्स डट कम तथा आसुसेनको अफिसियल इमेलमा इच्छुकहरू बाट आबेदन मागेको थियो ।

आवेदन दिएकाहरू  मध्येबाट आज उत्कृष्ट २५ जना युवतीलाई अडिसनका लागि छनौट गरिएको छ । निर्माता तथा निर्देशक सन्तोष सेन, निर्देशक छेतेन गुरूङ, सिनेम्याटोग्राफर राजेश श्रेष्ठ लगायतको टिमले २७ सय १४ जनाबाट उत्कृष्ट २५ छानेको हो । अब, उत्कृष्ट २५ बाट अभिनेत्री अर्थात चलचित्रको ‘गीत’ पात्रका लागि एक जना छनौट गरिनेछ । छनौट गर्न लागिएकी युवतीबाट चलचित्रको भित्रको पात्रको चरित्र, लुक्स, उचाई, अभिनय शैली, सुन्दरता लगायतलाई ध्यान दिइने निर्माता सन्तोष सेनले जानकारी दिए ।

प्रेमको जोडि अर्थात ‘गीत’ को लागि आएका आवेदन अधिकांश आकर्षक हुनुहुन्थ्यो, उहाँह?बाट उत्कृष्ट २५ छान्न हामिलाई निकै हम्मे–हम्मे समेत परेको थियो ।‘प्रेम गीत’ मा प्रदीप खड्कासँग पूजा शर्माले रोमान्स गर्नुभएको थियो, ‘प्रेम गीत २’ मा भने अश्लेषा ठकुरीले गीतको भूमिका निर्वाह गर्नुभएको थियो । अब निर्माण हुन लागेको चलचित्र ‘प्रेम गीत ३’ मा नयाँ लुक्सलाई भित्राउने तयारी गरेका छौं । उत्कृष्ट २५ मा छानिएका इच्छुकह?लाई आसुसेन टिमले फोन सम्पर्क गरेर बोलाउनेछ, उनिह?बाट एक जनालाई क्षमता, लुक्स, उचाई, सुन्दरताको मापन गरेर गीत क्यारेक्टरमा छान्नेछौं ।

हामिले चलचित्र ‘प्रेम गीत ३’ आगामी चैत्र २८ गते अलनेपाल प्रदर्शन गर्नेछौं । प्रेम गीतको विभिन्न विषयमा हामीले चाँडै विशेष पत्रकार सम्मेलन गरेर जानकारी गराउनेछौं ।

Leave a Reply

Your email address will not be published. Required fields are marked *